ხორვატიის რესპუბლიკის საგარეო და ევროპულ საქმეთა სამინისტროში ევროკავშირის გაფართოების პარტნიორების გაძლიერების პროგრამა ჩატარდა

ხორვატიის რესპუბლიკის საგარეო და ევროპულ საქმეთა სამინისტრო, გაეროს განვითარების პროგრამასთან (UNDP) პარტნიორობით ქ. ზაგრებში ევროკავშირის გაფართოების პარტნიორების გაძლიერების პროგრამა ჩატარდა: „ევროკავშირის წევრობისთვის მზადება - სტრატეგიული, ინსტიტუციური, ეკონომიკური და ფინანსური პერსპექტივები“, რომელშიც მონაწილეობა მიიღეს საქართველოს, მოლდოვის, უკრაინისა და სამხრეთ-აღმოსავლეთ ევროპის ქვეყნების დელეგაციებმა. პროგრამის მონაწილეებს ხორვატმა ექსპერტებმა გაუზიარეს პრაქტიკულ ცოდნა და გამოცდილება ისეთი მნიშვნელოვანი მიმართულებით, როგორიცაა მოლაპარაკებების წარმოება, საკანონმდებლო შესაბამისობა, ევროკავშირის ფონდების გამოყენების შესაძლებლობები. პროგრამა მიზნად ისახავდა ევროკავშირის წევრ და კანდიდატ ქვეყნებს შორის გამოცდილების გაზიარებასა და თანამშრომლობის გაძლიერებას.